ការវះកាត់លៀនទ្រនាប់ឆ្អឹងកងចង្កេះ (លៀនឌីស) បានឈានទៅរកទំនើបកម្មថ្មីមួយទៀត គឺការវះកាត់ដោយចោះ (អង់ដូស្កូប) នៅក្នុងមន្ទីពេទ្យកាល់ម៉ែត។ នេះជាបច្ចេកទេសមួយដែលត្រូវបានអនុវត្ត និងទទួលស្គាល់ថាជាវិធីសាស្រ្តមួយដែលល្អ និងផ្តល់នូវអត្ថប្រយោជន៍យ៉ាងច្រើនចំពោះអ្នកជំងឺ ពោលគឺអ្នកជំងឺឆាប់វិវត្តន៍ទៅរកស្ថានភាពល្អប្រសើរយ៉ាងឆាប់រហ័ស។

ក) រោគសញ្ញាសំខាន់ៗនៃការគាបសរសៃឆ្អឹងកងចង្កេះមាន៖

• ឈឺជើងម្ខាង រឺទាំងសងខាង
• ដើរមិនបានឆ្ងាយ
• ស្ពឹកពាក់កណ្តាលខ្លួនចុះក្រោម

ខ) បច្ចេកទេសវះកាត់ដោយចោះនេះប្រើចំពោះជំងឺ៖

• លៀនទ្រនាប់ឆ្អឹងកងចង្កេះ (Hernie discale lombaire)
• ការរួមតូចនៃប្រហោងឆ្អឹងកងចង្កេះ (Canal lombaire étroit)
• ការរអិលនៃឆ្អឹងកង (Antérolisthésis)
• ការរួមតូចនៃគម្លាតឆ្អឹងកង (Pincement discal)

គ) អត្ថប្រយោជន៍នៃការវះកាត់ដោយចោះ៖

• ស្នាមរបួសតូច
• រក្សាបាននូវទម្រង់ឆ្អឹងកងខ្នងយើងបានយ៉ាងល្អ
• បាត់បង់ឈាមតិចតួច
• អ្នកជំងឺឆាប់វិលទៅរកស្ថានភាពប្រក្រតីឆាប់រហ័ស

« យើងខ្ញុំនៅតែបន្តបំពាក់បច្ចេកវិទ្យាថ្មីចុងក្រោយ ដោះស្រាយបញ្ហាសុខភាព គ្រប់ស្ថានការណ៍ស្មុគស្មាញ សំដៅប្រសិទ្ធភាពខ្ពស់ និងគុណភាព សម្រាប់គ្រប់អ្នកជំងឺយើង។»